Bakı, 26 may (AZƏRTAC). Mayın 26-da Xəzər rayonunun Pirallahı qəsəbəsindəki V.Mustafazadə adına mədəniyyət evində 28 May - Respublika Gününə həsr olunmuş “Bura Vətəndir” mövzusunda tədbir keçirilmişdir.

AZƏRTAC xəbər verir ki, tədbirdə Azərbaycanın dövlətçilik tarixindən geniş söhbət açılmışdır.

Mərasimdə mədəniyyət evinin bədii özfəaliyyət kollektivi çıxış etmiş və şagirdlərin ifasında müstəqil Azərbaycanı təbliğ edən ədəbi-bədii kompozisiya nümayiş olunmuşdur.