“BUTA” İNCƏSƏNƏT MƏRKƏZİ 1 İYUN - UŞAQLARI BEYNƏLXALQ MÜDAFİƏ GÜNÜNÜ QEYD EDƏCƏKDİR
AZƏRTAC xəbər verir ki, mayın 27-də “İsr Plaza” mehmanxanasında Mədəniyyət və Turizm Nazirliyi, Ailə, Qadın və Uşaq Problemləri üzrə Dövlət Komitəsinin dəstəyi, “Buta” İncəsənət Mərkəzi, “Azercell Telekom” MMC-nin birgə təşkilatçılığı ilə 1 İyun - Uşaqları Beynəlxalq Müdafiə günü münasibətilə mətbuat konfransı keçirilmişdir.
“Buta” İncəsənət Mərkəzinin baş direktoru Nəsib Piriyev qeyd etmişdir ki, 2004-cü ildə Moskvada yaradılan “Buta” İncəsənət Mərkəzi dünyanın hər yerində azərbaycanlı uşaqların mədəniyyətimizə, incəsənətimizə, soykökümüzə rəğbət ruhunda böyüməsi üçün əlindən gələni əsirgəmir.
Məlumat verilmişdir ki, Mərkəz Bakıda talassemiyalı və əqli cəhətdən qüsurlu, valideyn himayəsindən məhrum uşaqlara dəstək olmaq, onları sevindirmək üçün tədbirlər görülməsini planlaşdırmışdır.
Bildirilmişdir ki, Uşaqları Beynəlxalq Müdafiə günü münasibətilə “Buta” İncəsənət Mərkəzi tərəfindən Milli Parkda “Dünya uşaqları” mövzusunda fotosərgi təşkil ediləcək, bura Azərbaycan Dövlət Kukla teatrı, “Təbəssüm”, “Dəcəllər” uşaq teatrları dəvət olunacaq, qaliblərə hədiyyələr veriləcək, musiqili proqram nümayiş etdiriləcəkdir.
Bölmənin digər xəbərləri
