Cakartanın mərkəzində baş vermiş partlayış nəticəsində xəsarət alanlar var
Tokio, 3 dekabr, AZƏRTAC
Dekabrın 3-də səhər saatlarında Cakartanın mərkəzində baş vermiş partlayış nəticəsində iki əsgər yaralanıb.
AZƏRTAC “The Jakarta Post” qəzetinə istinadla xəbər verir ki, partlayış şəhərin mərkəzində yerləşən milli abidələr parkında baş verib. Polisin məlumatına görə, hadisəyə səbəb tüstü qumbarasının partlaması olub.
Cakartanın polis rəisi general Qatot Eddi Pramono bildirib ki, hadisə yerində aparılan araşdırma zamanı partlayışın tüstü qumbarası vasitəsilə törədildiyi müəyyənləşib. Partlayış yerli vaxtla səhər saat 7:15 dəqiqədə parkın şimal hissəsində - Daxili İşlər Nazirliyinə yaxın ərazidə baş verib.
Hazırda təhqiqat işləri davam edir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
