Cəbrayıl, Qubadlı, Zəngilan rayonlarında qum-çınqıl yataqlarında torpağın istismardan əvvəlki vəziyyətinə qaytarılması üçün bərpa işləri görülür
Zəngilan, 27 fevral, G.Mahmudlu, S.Məcnun, Ş.Əzizov, AZƏRTAC
2021-ci ildən indiyə qədər Cəbrayıl, Qubadlı, Zəngilan rayonlarında çox saylı qum-çınqıl yataqlarında torpağın istismardan əvvəlki vəziyyətinə qaytarılması üçün bərpa işləri görülür.
AZƏRTAC-ın Zəngilana ezam olunmuş müxbiri xəbər verir ki, bunu Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Zəngilan şəhərində işğaldan azad edilmiş ərazilərdə məsələlərin mərkəzləşdirilmiş qaydada həll edilməsi üçün yaradılmış Əlaqələndirmə Qərargahının nəzdində fəaliyyət göstərən İdarələrarası Mərkəzin Ekoloji məsələlər üzrə işçi qrupunun iclasında çıxışı zamanı deyib.
O qeyd edib ki, Mərkəzdə tullantıların təmizlənməsi, idarə edilməsi, həmçinin yanğın təhlükəsizliyi ilə bağlı işlər aparılır.
“Məqsəd işğaldan azad edilmiş ərazilərdə təbii landşaftın qorunmasıdır”, - deyə xüsusi nümayəndə vurğulayıb.
Bölmənin digər xəbərləri
