Cevdet Yılmaz: Regionda və dünyada mürəkkəb şəraitə baxmayaraq, Türkiyənin ixrac həcminin artım tendensiyası davam edir
Bakı, 4 aprel, AZƏRTAC
Regionda və qlobal miqyasda mürəkkəb şəraitə baxmayaraq, Türkiyənin ixrac həcminin artım tendensiyası davam edir.
AZƏRTAC xəbər verir ki, bu sözləri Türkiyənin vitse-prezidenti Cevdet Yılmaz deyib.
Onun sözlərinə görə, ayrı-ayrı ölkələrin proteksionizm istəyinə baxmayaraq, Ankara ixracatçı şirkətlərə dəstək kursunu davam etdirir, o cümlədən onların yeni bazarlara çıxmasını stimullaşdırmaq və yerli malların rəqabət qabiliyyətini artırmaq üzrə səylər göstərir.
Türkiyənin ticarət naziri Ömer Bolat daha əvvəl sosial şəbəkədə ölkənin bu ilin mart ayı üzrə ixrac rəqəmlərini paylaşmışdı. O qeyd etmişdi: “Mart ayında Türkiyə mallarının ixrac həcmi 23,4 milyard dollar təşkil edib. Bu, Türkiyə Cümhuriyyəti tarixində beşinci ən yüksək aylıq ixrac göstəricisi sayılır”.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
