ÇEXİYADA AZƏRBAYCAN VƏ XƏZƏR TƏDQİQATLAR MƏRKƏZİ YARADILACAQDIR
Xarici İşlər Nazirliyindən AZƏRTAC-a bildirmişlər ki, ölkəmizin Çexiyadakı səfiri Tahir Tağızadə və Masarik Universitetinin rektoru Petr Fiala Azərbaycan və Xəzər Tədqiqatlar Mərkəzinin əsasının qoyulması ilə bağlı Memorandum imzalamışlar.
Mərkəz Masarik Universitetinin Beynəlxalq Politologiya İnstitutunun nəzdində yaradılacaqdır. Qurumun yaradılmasından əsas məqsəd Azərbaycan və Xəzəryanı regionu tanıtmaq, bölgənin tarixi, mədəniyyət və siyasətinin tədqiqatını genişləndirmək, regiondakı problemlər barədə məlumatlandırılmanı artırmaq, tədqiqatçılar və ictimaiyyət üçün Azərbaycan və Xəzəryanı regionla bağlı ən son məlumatları, eləcə də respublikamız haqqında informasiya və nəşrlərə daha asan çıxışı təmin etməkdir.
Mərkəzin yaradılması Azərbaycan ilə Çexiya arasında ikitərəfli əlaqələrin möhkəmləndirilməsində çox mühüm addım olacaqdır.
Bölmənin digər xəbərləri
