ÇİN PAYTAXTINDA KÜÇƏDƏ TÜPÜRMƏYƏ GÖRƏ CƏRİMƏ TƏTBİQ EDİLƏCƏKDİR
AZƏRTAC Sinxua agentliyinə istinadla xəbər verir ki, Pekinin hökumət orqanları 2008-ci ilin yay Olimpiadası qabağı şəhər sakinlərinin davranışını yaxşılaşdırmaq məqsədi ilə küçələrdə tüpürməyə görə cərimə tətbiq edəcəklər. Pekinin sakinlərinə, yaxud Çin paytaxtının qonaqlarına hər tüpürcək 50 yuana (6 dollar) başa gələcəkdir.
Pekin meriyasının nümayəndələrindən biri demişdir: “Əlli yuan küçədə tüpürmək həvəskarları üçün ciddi cərimədir”.
Pekində 50 yuana metroya 16 bilet, yaxud 100 salfet almaq olar. Bundan başqa, bu məbləğ ali təhsili olmayan cavan pekinlinin gündəlik orta qazancına bərabərdir.
Pekində hər ayın 11-də “növbələr günü” keçiriləcəkdir. Həmin gün şəhərin sakinlərinə bir-birini dirsəkləri ilə itələyib özlərinə yol açmaq və ağzınacan dolmuş avtobusa hücumla minmək yox, ictimai nəqliyyata minmək üçün “nizamla və səliqəli” növbəyə durmaq tövsiyə edilir.
Pekinin hökumət orqanları əmindirlər ki, bu cür tədbirlərlərin köməyi ilə şəhər əhalisinin davranışını dəyişməyə nail olacaqlar.
Bölmənin digər xəbərləri
