Bakı, 13 avqust (AZƏRTAC). Dünyada ən çox əhalisi olan Çində hər 1300 nəfərdən biri milyonçudur.

AZƏRTAC Türkiyə mətbuatına istinadən xəbər verir ki, Şanxayda fəaliyyət göstərən “Hurun” araşdırma şirkətinin hesabatına görə, Çində sərvəti 10 milyon yuandan (təqribən 1.6 milyon dollar) çox olan varlıların sayı ilk dəfə 1 milyon nəfəri keçmişdir.

Ölkədə ən çox varlının yaşadığı şəhər Pekindir. Paytaxtda 179 min milyonçu yaşayır. Ölkənin ticarət və iqtisadiyyat mərkəzi olan Şanxayda 140 min milyonçu var. İqtisadi böhrandan ən çox təsirlənən Quançjou şəhərində isə milyonçuların sayı 55 minə düşmüşdür.

Ölkənin inkişaf etmiş qərb bölgələrindəki Hanqzhou, Fuzhou, Venzhou, Nanjing və Suzhou kimi şəhərlərində də çox sayda milyonçu yaşayır.

Çinli varlıların ən çox investisiya qoyduğu sahələr lüks mənzil və avtomobil sahəsidir.