Çində naməlum şəxsin hücumu nəticəsində azı 7 məktəbli həlak olub
Bakı, 27 aprel, AZƏRTAC
Naməlum şəxs Çinin Şensi əyalətinin Yuylin dairəsinin Minçji bələdiyyəsində yerləşən orta məktəbin şagirdlərinə hücum edib.
AZƏRTAC xarici KİV-lərə istinadla xəbər verir ki, insident nəticəsində azı 7 şagird həlak olub, 12 nəfər isə müxtəlif dərəcəli xəsarətlər alıb. Yaralılar yaxınlıqdakı xəstəxanalara aparılıb.
Əldə olan məlumata əsasən, hücum şagirdlərin məktəbdən evlərinə getdikləri zaman, yerli vaxtla saat 18:10-da (Bakı vaxtı ilə saat 14:10) qəfildən baş verib.
Hazırda hadisəni törədən şəxs saxlanılıb. Cinayətin motivləri məlum deyil.
Bölmənin digər xəbərləri
