Çinin İbin şəhərində növbəti dəfə zəlzələ olub
Pekin, 4 iyul, AZƏRTAC
Çinin Siçuan vilayətinin İbin şəhəri ərazisində son iki gündə ikinci zəlzələ qeydə alınıb.
AZƏRTAC Çin Seysmoloji Mərkəzinə istinadla xəbər verir ki, Qonsian qəzasında 5,6 bal gücündə yeraltı təkan qeydə alınıb. Zəlzələ ocağı yer səthindən 8 kilometr dərinlikdə olub. Zərərçəkənlər və yaralananlar, həmçinin dağıntılar barədə hələlik məlumat yoxdur.
Qeyd edək ki, iyulun 3-də İbin şəhəri ərazisində 4,8 bal gücündə zəlzələ olmuşdu. Ötən ayın 17-də və 22-də isə baş verən zəlzələlərdə ümumilikdə, 13 nəfər ölmüş, 200-dən çox adam yaralanmışdı. Zəlzələnin törətdiyi fəsadlarla əlaqədar 80 min sakin təxliyə edilmişdi.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
