Bakı, 17 yanvar (AZƏRTAC). Saxta məhsullar hazırlamaqda məşhur olan çinlilər indi də saxta yumurta istehsal etməyə müvəffəq olmuşlar.

AZƏRTAC Türkiyənin “Milliyet” qəzetinə istinadən xəbər verir ki, çinlilər bununla kifayətlənməyərək sirlərini paylaşmaq üçün “saxta yumurta kursları” açmışlar. Belə kurslardan biri ölkənin cənubundakı Şenjen şəhərində açılmışdır.

Məhz həmin kursa gizli yolla daxil olan honqkonqlu jurnalistin əldə etdiyi məlumat ölkə ictimaiyyətini heyrətləndirmişdir.

Parafin və jelatin kimi müxtəlif kimyəvi maddələr sayəsində istehsal edilən yumurtaları əslindən fərqləndirmək xeyli çətindir.