Bakı, 1 oktyabr (AZƏRTAC). Sentyabrın 30-da respublikanın daxili işlər orqanları tərəfindən qeydə alınmış 46 cinayət faktından 20-nin üstü “isti izlər”lə açılmışdır.

Daxili İşlər Nazirliyinin mətbuat xidmətindən AZƏRTAC-a bildirmişlər ki, Cinayət Məcəlləsinin müxtəlif maddələri ilə axtarılan 15 nəfər tutularaq istintaq orqanlarına təhvil verilmişdir.

Respublikanın avtomobil yollarında qeydə alınmış 10 yol-nəqliyyat hadisəsi nəticəsində 6 nəfər ölmüş, 18 nəfər yaralanmışdır.

Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 5 fakt müəyyən edilmişdir.

Cinayət törətdiyinə görə 29 nəfər tutulmuşdur.