CİNAYƏT TÖRƏTMİŞ 35 NƏFƏR TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, oktyabrın 22-də respublika ərazisində cinayət törətmiş 35 nəfər tutulmuş, qeydə alınmış 26 cinayət hadisəsindən 19-nun üstü isti izlərlə, həmçinin ötən günlərdən bağlı qalmış 2 cinayətin üstü açılmışdır.
Cinayət Məcəlləsinin müxtəlif maddələri ilə axtarışda olan 13 nəfər keçirilmiş əməliyyat tədbirləri nəticəsində tutularaq istintaq orqanlarına təhvil verilmişdir.
Daxili işlər orqanlarının əməkdaşları narkotiklərlə əlaqədar 5, qanunsuz saxlanılan silah-sursatla bağlı 1 fakt müəyyən etmişlər. Gün ərzində 6 yol-nəqliyyat qəzası baş vermiş, bir yanğın qeydə alınmışdır.
Bölmənin digər xəbərləri
