COP29
COP29-un iştirakçısı: Yaponiya sıfır tullantılara doğru inamla irəliləyir və digər ölkələrə kömək edir
Bakı, 12 noyabr, AZƏRTAC
Yaponiya hökumətinin 25 ölkə ilə tərəfdaşlığı var və hökumətimiz bu dövlətlərə karbon izlərini azaltmaqda fəal şəkildə kömək edir.
Bu barədə AZƏRTAC-a BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının iştirakçısı, Yaponiyanın sığorta şirkətinin nümayəndəsi Hiroşi Ota məlumat verib.
O əlavə edib: “Qlobal karbon emissiyalarının əhəmiyyətli bir hissəsini təşkil edən Asiya qitəsində olan Yaponiya xalis sıfır emissiyaya doğru irəliləyir və digər ölkələri dəstəkləməyə davam edir”.
"Yalnız xarici ölkələr deyil, onların özəl şirkətləri də yapon texnologiyalarının tətbiqinə maraq göstərə bilər", -deyə Ota vurğulayıb.
O əlavə edib ki, Yaponiya regional əməkdaşlıqda, eləcə də iqlim məsələlərinin həllinə yönəlmiş qlobal layihələrdə maraqlıdır.
“Biz davamlı gələcək yaratmaq üçün gənclərə çoxlu imkanlar yaradır və qeyri-hökumət təşkilatlarına maliyyə dəstəyi veririk”, - deyə agentliyin həmsöhbəti sözlərini yekunlaşdırıb.
Bölmənin digər xəbərləri
