Bakı, 8 avqust (AZƏRTAC). Cüdo üzrə Azərbaycan yığma komandasının avqustun 26-da Rioda başlayacaq dünya çempionatına gedəcək məşqçi qərargahı müəyyənləşmişdir.

AZƏRTAC xəbər verir ki, yalnız 60 kiloqramadək olan kateqoriya həll olunmamış qalır. Yığma komandada həmin kateqoriyada yer uğrunda Vüqar Şirinli və Orxan Səfərov iddia edirdilər. Nəticədə komandanın baş məşqçisi Peter Zayzenbaxer sonuncunu seçmişdir.

Braziliyaya həm də İlqar Muşkiyev (60 kq), Nicat Şıxəlizadə (66 kq), Rüstəm Orucov (73 kq), Tural Səfquliyev (81 kq), Şahin Qəhrəmanov (90 kq), Elxan Məmmədov, Elmar Qasımov (hər ikisi 100 kq), Kifayət Qasımova (57 kq) gedəcəklər.