Danimarkalı səyyah: Qısa müddətdə belə gözəl yollar inşa etməyiniz inanılmazdır VİDEO
Şuşa, 24 aprel, AZƏRTAC
İlk təəssüratım infrastrukturla bağlıdır. Burada yollar çox yaxşıdır, heç vaxt bu qədər rahat, bu qədər hamar yolda maşınla səfər etməmişəm. Sizin bu yolları belə tez inşa etməyiniz inanılmazdır.
Bunu Şuşaya səfər edən danimarkalı səyyah Pitr Fenger AZƏRTAC-ın bölgə müxbirinə təəssüratlarını bölüşərkən deyib.
Dünya səyahətçiləri ilə birgə Şuşaya səfər edən Pitr Fenger yeni və möhtəşəm binaların inşa edilməsinin də onda xoş təəssürat yaratdığını bildirib. “Azərbaycanda əvvəllər olmuşam, lakin bu bölgəyə ilk səfərimdir. Azərbaycan gözəl ölkədir, gözəl insanları var, ən yaxşı yeməklər buradadır. Ölkənizlə bağlı yalnız müsbət təəssüratlarım var”, - deyə o əlavə edib.
Qeyd edək ki, bu gün dünyanın 30 ölkəsini təmsil edən nüfuzlu beynəlxalq səyahətçilərin Qarabağa səfəri başlayıb. Qrupun rəhbəri dünyaşöhrətli səyyah, “NomadMania” klubunun təsisçisi Hari Mitsidisdir. Onlar 3 gün ərzində Qarabağ və Şərqi Zəngəzurda olacaq, aparılan nəhəng bərpa və quruculuq işlərini, minatəmizləmə fəaliyyətini, Ermənistan tərəfindən işğal dövründə törədilmiş vəhşilikləri, dağıntıları müşahidə edəcəklər. Bu səfər azad edilmiş ərazilərin “black tourism” çərçivəsində tanıdılmasında müstəsna rol oynayır.
Bölmənin digər xəbərləri
