Bakı, 9 may (AZƏRTAC). Azərbaycan Respublikası Dövlət Neft Şirkəti Kompleks Qazma İşləri Trestinin “Neft Daşları” Dəniz Qazma İşləri İdarəsi “Darvin bankəsi” yatağındakı 660 nömrəli meydançada yeni quyunun qazılmasına başlamışdır.

Şirkətin mətbuat xidmətindən bildirmişlər ki, quyunun layihə dərinliyi 1540 metrdir. Quyudan sutkada 7 ton neft hasil ediləcəyi gözlənilir. Quyu “Abşeronneft” Neft və Qazçıxarma İdarəsinin sifarişi ilə qazılır.

Qeyd edək ki, 660 nömrəli meydançadan ümumilikdə 12 quyunun qazılması planlaşdırılır. Bu günədək artıq 5 quyu qazılmışdır.