Daşkəsən, 13 avqust (AZƏRTAC). Daşkəsənin kəndlərində əhaliyə göstərilən poçt və rabitə xidməti səviyyəsinin yüksəldilməsi istiqamətində bir sıra tədbirlər həyata keçirilmişdir.

Təkcə bu ilin 6 ayında rayonun Dəstəfur, Quşçu və Əmirvar kəndlərində yeni poçt binaları inşa edilərək istifadəyə verilmişdir. Hazırda Zəylik və Əhmədli kəndlərində yeni poçt binalarının tikintisi davam etdirilir. Yeni binaların da ilin sonunadək istifadəyə verilməsi nəzərdə tutulmuşdur.