Dendrologiya İnstitutu Qazaxıstanın Əlixan Bökeyxan Universiteti ilə əməkdaşlıq edəcək
Bakı, 10 avqust, AZƏRTAC
Azərbaycan Respublikası Elm və Təhsil Nazirliyinin Dendrologiya İnstitutu ilə Qazaxıstanın Əlixan Bökeyxan Universiteti arasında mədəniyyət, təhsil və elmi tədqiqatlar sahəsində əməkdaşlıq müqaviləsi imzalanıb.
Dendrologiya İnstitutundan AZƏRTAC-a bildirilib ki, tərəflər ümumi maraq və əməkdaşlıq sahələri barədə razılığa gəliblər. Müqaviləyə əsasən, tədqiqat aparmaq üçün tələbə və alimlərin mübadiləsi, akademik mobillik və təcrübə çərçivəsində tələbə və müəllim mübadiləsi həyata keçiriləcək. Alimlərin konfranslara, simpoziumlara və mühazirələrə dəvət edilməsi, qarşılıqlı maraq doğuran sahələr üzrə məlumat, tədris materialları və nəşrlərin mübadiləsi də nəzərdə tutulur.
Bölmənin digər xəbərləri
