CƏMİYYƏT
DİN: Xankəndidə 17 müxtəlif markalı avtomat silahı və digər silah-sursat aşkarlanaraq götürülüb

Bakı, 21 fevral, AZƏRTAC
Fevralın 20-də polis əməkdaşları Xankəndi şəhəri ərazisində əməliyyat keçiriblər.
Daxili İşlər Nazirliyinin (DİN) mətbuat xidmətindən AZƏRTAC-a verilən məlumata görə, əməliyyat tədbirlər nəticəsində 17 ədəd müxtəlif markalı avtomat silahı, 5 tapança, 5 tüfəng, 73 ədəd qumbara, 72 alışdırıcı, 68 ədəd patron darağı, 4821 ədəd müxtəlif çaplı patron və digər sursat aşkarlanaraq götürülüb.