Dövlət İmtahan Mərkəzi “Magistr” xüsusi buraxılışının 1-ci nömrəsini nəşr edib
Bakı, 5 noyabr, AZƏRTAC
Dövlət İmtahan Mərkəzi (DİM) “Magistr” xüsusi buraxılışının 1-ci nömrəsini nəşr edib.
DİM-dən AZƏRTAC-a bildirilib ki, jurnalda Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının magistraturalarına qəbul qaydaları, məntiqi təfəkkür, xarici dillər və informatika üzrə qəbul imtahanı proqramları, həmçinin məntiqi təfəkkürün yoxlanılması üzrə çoxseçimli və açıq tipli test tapşırığı nümunələri Azərbaycan və rus dillərində çap edilib.
Jurnalı “Abituriyent” satış köşkündən (Bakı şəhəri, Nəsimi rayonu Ə.Salamzadə küçəsi, 28. (DİM-in binası), həmçinin kitab mağazalarından almaq və ya www.abiturient.az saytından sifariş etmək olar.
Bölmənin digər xəbərləri
