Dövlət Sərhəd Xidmətinin Cəlilabad rayonunun Göytəpə şəhərindəki “N” saylı hərbi hissəsinin təlim-tədris mərkəzində gənc əsgərlərin andiçmə mərasimi keçirilmişdir
Cəlilabad, 23 fevral (AZƏRTAC). Fevralın 23-də Dövlət Sərhəd Xidmətinin (DSX) Cəlilabad rayonunun Göytəpə şəhərindəki “N” saylı hərbi hissəsinin təlim-tədris mərkəzində gənc əsgərlərin andiçmə mərasimi keçirilmişdir.
AZƏRTAC xəbər verir ki, mərasimdə çıxış edən DSX rəisinin şəxsi heyət üzrə müavini, general-mayor Azad Ələkbərov, “N” saylı hərbi hissənin komandirləri, polkovnik Mehman Yusifov və polkovnik Namiq Əliyev, hərbi hissənin qərargah rəisi, polkovnik-leytenant Vüqar Məlikov, hərbi hissə komandirinin şəxsi heyət üzrə müavini, polkovnik-leytenant Babək Nəbiyev və valideynlər gənc əsgərləri təbrik etmiş, ölkəmizdə bütün sahələrdə olduğu kimi, ordu quruculuğunda da qazanılmış uğurlardan danışmış, respublikanın sərhədləri keşiyində duran əsgərlərə Vətənə sədaqətlə xidmət etməyi, sərhədlərimizi göz bəbəyi kimi qorumağı tövsiyə etmişlər.
Toplantıda DSX rəisinin gənc əsgərlərə ünvanladığı təbrik teleqramının mətni oxunmuşdur.
Gənc əsgərlər Vətənə sədaqət andı içmişlər.
Şəxsi heyət nizamlı addımlarla tribuna önündən keçmişdir.
Tədbir başa çatdıqdan sonra general-mayor Azad Ələkbərov gənc əsgərlərin valideynləri ilə görüşərək mövcud problemləri dinləmiş və onların həlli istiqamətində tapşırıqlar vermişdir.
Bölmənin digər xəbərləri
