Bakı, 13 avqust (AZƏRTAC). İtaliyanın Alp dağlarında alpinistlər üçün nəzərdə tutulmuş dünyanın ən təhlükəli oteli “Custo Cervazutti” qonaqlarını qəbul etməyə başlamışdır.

AZƏRTAC Rusiya mətbuatına istinadən verdiyi xəbərə görə, otel ağ-qırmızı boru şəklindədir, o, 300 metr hündürlükdə qayalıqların üzərində yerləşir. Mehmanxana 12 nəfər üçün nəzərdə tutulmuşdur.

Otelin adı dağların fatehi olan italiyalı Custo Cervazuttinin şərəfinə adlandırılmışdır. Ekspertlərin sözlərinə görə, əgər alpinistlər çətin hava şəraitinə düşərlərsə və ya onlar qaranlıqda yollarını itirərlərsə, otel onların həyatını xilas edə bilər.