Bakı, 4 aprel (AZƏRTAC). Müdafiə Nazirliyinin mətbuat xidmətindən verilən məlumata görə, Ermənistan silahlı qüvvələrinin bölmələri aprelin 3-də saat 20.05-dən 20.30-dək Berd rayonunun Çinarlı kəndi ərazisində yerləşən mövqelərdən Azərbaycan Silahlı Qüvvələrinin Tovuz rayonu ərazisindəki adsız yüksəkliklərdəki və Koxanəbi kəndi ərazisindəki mövqelərini, saat 22.45-dən 22.55-dək İcevan rayonu Azatamud kəndi ərazisində yerləşən mövqelərdən Qazax rayonunun Cəfərli kəndi ərazisindəki mövqelərini, saat 23.40 dan 23.48-dək Ağdam rayonunun Yusifcanlı, Xocavənd rayonunun Kuropatkino kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.

Bütün hallarda düşmən cavab atəşi ilə susdurulmuşdur. İtki yoxdur.