Elçin Əhmədov: Cənubi Azərbaycanda soydaşlarımızın hüquqları bərpa edilməlidir
Bakı, 9 yanvar, AZƏRTAC
Dünyada bəşəri dəyərlərə malik bir xalq kimi tanınırıq. Bu gün Azərbaycan xalqının həm də mübariz, qəhrəman, eyni zamanda, humanist, intellektual səviyyəyə malik bir xalq kimi nüfuzu daha da yüksəlib. Lakin soydaşlarımızın Cənubi Azərbaycanda olan hissəsi istər sosial, istər mədəni sahədə, istərsə də təhsil sahəsində bir çox məhdudiyyətlərə düçar edilib.
Bunu AZƏRTAC-a pedaqogika üzrə fəlsəfə doktoru, dosent Elçin Əhmədov bildirib. E.Əhmədov bildirib ki, Cənubi Azərbaycanda soydaşlarımızın hüquqları bərpa edilməlidir. Bəşər övladı üçün ölçülüb-biçilən bütün xarakterik müddəalar cənublu soydaşlarımızın həyat tərzinə şamil olunmalıdır. Xüsusilə ana dilində təhsil və insan hüquqlarının təminatı prioritetlik təşkil etməlidir.
“Yaxşı olardı ki, Cənubi Azərbaycanda ana dilində məktəblər, mədəni-maarif müəssisələri, sivil həyat tərzi bərqərar olunsun. Cənublu soydaşlarımızın gələcək nicatı üçün geniş imkanlar yaradılsın”, - deyə alim bildirib.
Bölmənin digər xəbərləri
