Bakı, 25 sentyabr (AZƏRTAC). Elektrik enerjisindən istifadə zamanı qaydaların pozulmasının qarşısının alınması istiqamətində xeyli işlər görülmüş və bu istiqamətdə tədbirlər davam etdirilir.

“Azərenerji” ASC-dən AZƏRTAC-a bildirmişlər ki, avqustda Sabirabad Elektrik Şəbəkəsi (EŞ) müəssisəsində keçirilmiş reydlər zamanı 85 istehlakçının elektrik enerjisindən istifadə qaydalarını pozması faktı aşkar edilərək, 546 min kilovat-saatdan artıq itirilmiş elektrik enerjisinin 32,8 min manata yaxın istehlak dəyəri bərpa edilmişdir.

Beyləqan EŞ müəssisəsində 18 qayda pozuntusu faktı aşkar edilərək müvafiq qaydada aktlaşdırılmışdır. Nəticədə 24,5 min kilovat-saatdan artıq itirilmiş elektrik enerjisinin 1,5 min manata yaxın istehlak dəyəri bərpa olunmuşdur.