Əmək və əhalinin sosial müdafiəsi naziri dördüncü “Yüksəliş” müsabiqəsinin qalibləri ilə görüşüb
Bakı, 17 iyun, AZƏRTAC
Əmək və əhalinin sosial müdafiəsi naziri Anar Əliyev mentorluq proqramı çərçivəsində dördüncü “Yüksəliş” müsabiqəsinin qalibləri Nicat Qocayev və Eyyub Fətəliyev ilə növbəti görüş keçirib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, görüşdə mentorluq proqramına uyğun olaraq, müsabiqə qaliblərinin təcrübə imkanlarını artırmaları üçün yaradılan şərait, onların liderlik potensiallarının inkişaf etdirilməsi məqsədilə aparılan işlərdən bəhs olunub.
Müsabiqə qalibləri nazirlik və qurumlarında rəhbər vəzifəli şəxslərlə mütəmadi görüşlər keçirdiklərini bildirib, mentorluq proqramı çərçivəsində onların bilik və təcrübələrini, bacarıqlarını artırmaq üçün yaradılan şəraitdən razılıqlarını ifadə ediblər.
Görüşdə proqramın davamı olaraq görüləcək işlərdən bəhs edilib, mentilərlə bağlı fərdi inkişaf planına dair fikir mübadiləsi aparılıb.
Qeyd edək ki, Anar Əliyev mentorluq proqramı çərçivəsində dördüncü “Yüksəliş” müsabiqəsinin qalibləri Nicat Qocayev və Eyyub Fətəliyevin mentorudur.
Bölmənin digər xəbərləri
