Bakı, 1 iyul (AZƏRTAC). Biblioqrafik soraq kitabı ədəbiyyatşünas alim, filologiya elmləri doktoru, tanınmış kitabxanaşünas-biblioqraf, dosent Əmin Əfəndiyevə həsr olunmuşdur.

AMEA-nın Nizami adına Ədəbiyyat İnstitutundan AZƏRTAC-a bildirmişlər ki, soraq kitabında təqdim edilən oçerklərdə alimin həyat və yaradıcılığının, elmi və ictimai fəaliyyətinin maraqlı məqamlarından söhbət açılır, fikirləri təqdim edilir.

Kitabın biblioqrafiya hissəsi Ə.Əfəndiyevin bütün əsərlərini – kitabları, mətbuatda və toplularda, internetdə dərc edilmiş yazılarını, tərcümələrini, haqqında yazılan materialları əhatə edir.