ƏRƏB MUSİQİSİNƏ HƏSR OLUNMUŞ GECƏ KEÇİRİLMİŞDİR
AZƏRTAC xəbər verir ki, mayın 21-də Misir Mədəniyyəti Mərkəzində ərəb müğənnisi Umm Gülsümün (Fatimə İbrahim Biltaci, 1904-cü il) və musiqişünas Məhəmməd Əbdül Vəhhabın (1902-ci il) yaradıcılığına həsr olunmuş gecə keçirilmişdir.
Azərbaycan müğənniləri Elnur Hüseynov və Samir Cavadzadənin Belqradda keçirilən “Avrovijn-2008” müsabiqəsinin finalına çıxması münasibətilə təbriklərlə başlanan gecəni Misir Mədəniyyəti Mərkəzinin direktoru, professor, doktor Adil Dərviş açmışdır.
O, Umm Gülsümün həyat və yaradıcılığından danışmışdır. 13 yaşından oxumağa başlayan müğənni atasının rəhbərlik etdiyi musiqi qrupunun tərkibində ətraf kəndlərdə konsertlər verməklə məşhurlaşmışdır. Misir musiqi mədəniyyətinin digər nümayəndəsi fəxri doktor Məhəmməd Əbdül Bəhhab incəsənətdə parlaq iz buraxmışdır. Misir musiqi mədəniyyətinin bu iki ulduzunun yaradıcılıq yolları 1964-cü ildə kəsişmişdir.
Misir Ərəb Respublikasının ölkəmizdəki səfiri Yusif Əhməd İbrahim əl-Şarkavinin, Azərbaycanda akkreditə olunmuş diplomatik korpusun nümayəndələrinin iştirak etdikləri tədbirdə Heydər Əliyev adına müasir Təhsil Kompleksinin müəllim və şagirdləri çıxış etmişlər.
Bölmənin digər xəbərləri
