SİYASƏT
Ermənilər atəşkəsi pozmaqda davam edirlər
Bakı, 14 dekabr (AZƏRTAC). Ermənistan ordusunun bölmələri dekabrın 13-də və 14-də gecə Ermənistanın İcevan rayonunun Azatamut kəndində yerləşən mövqelərdən Azərbaycan Ordusunun respublikamızın Qazax rayonunun Cəfərli kəndində yerləşən mövqelərini atəşə tutmuşlar.
Müdafiə Nazirliyinin mətbuat xidmətindən AZƏRTAC-a bildirmişlər ki, ermənilər Azərbaycan Respublikasının Goranboy rayonunun Tap Qaraqoyunlu, Ağdam rayonunun Baş Qərvənd kəndləri yaxınlığında yerləşən mövqelərdən də Azərbaycan Silahlı Qüvvələrinin mövqelərini atəşə tutmuşlar.
Düşmən cavab atəşi ilə susdurulmuşdur.
