ERMƏNİSTAN SİLAHLI QÜVVƏLƏRİNİN BÖLMƏLƏRİ ATƏŞKƏS REJİMİNİ POZMAQDA DAVAM EDİR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri mayın 19-da saat 9.25-dən 23.10-dək Füzuli rayonunun ərazisindəki adsız yüksəkliklərdə yerləşən mövqelərindən, saat 11.25-dən mayın 20-si saat 3.25-dək Ermənistanın Berd rayonunun ərazisindəki adsız yüksəkliklərdə, Çinari və Mosesqex kəndləri sahəsindəki mövqelərindən Milli Ordumuzun Tovuz rayonunun Ağdam, Koxanəbi və Əlibəyli kəndləri sahəsində yerləşən mövqelərini, saat 18.15-dən mayın 20-si saat 3.40-dək Tərtər rayonunun Qızıloba və Göyarx kəndləri yaxınlığında yerləşən mövqelərindən, saat 18.45-dən 19.00-dək Goranboy rayonunun Borsunlu kəndi yaxınlığında yerləşən mövqelərindən, saat 21.30-dan mayın 20-si saat 00.25-dək Xocavənd rayonunun ərazisindəki adsız yüksəkliklərdə və Kuropatkino kəndində yerləşən mövqelərindən, saat 21.30-dan 21.40-dək Ağdam rayonunun Yusifcanlı kəndinin yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşilə susdurulmuşdur. İtki yoxdur.
Bölmənin digər xəbərləri
