“FENİKS” MARSIN ƏBƏDİ BUZLAQLARININ İLK FOTOŞƏKİLLƏRİNİ YERƏ GÖNDƏRMİŞDİR
AZƏRTAC xəbər verir ki, ABŞ-ın “Feniks” kosmik aparatı Marsın şimal qütbü yaxınlığında əbədi buzlaqların ilk fotoşəkillərini Yer kürəsinə ötürmüşdür.
Tədqiqatlara rəhbərlik edən Arizona Universitetinin alimi Piter Smit demişdir: “Aparatın endiyi yerdə gördüklərimiz alimin əsl arzusudur”.
Robotdan alınmış təsvirlərdə görünür ki, Marsda əbədi buzlaqlar sahəsi planetimizin analoji rayonlarına oxşayır - orada da səthdə eynilə bu cür həndəsi relyeflər əmələ gəlir. Alimlər qeyd edirlər ki, bu, çox ehtimal ki, torpaqda buzun əriməsi və donması proseslərinə dəlalət edir.
Bölmənin digər xəbərləri
