Bakı, 13 aprel (AZƏRTAC). FİFA futzal üzrə dünya yığmalarının yeni reytinq cədvəlini açıqlamışdır.

AZƏRTAC xəbər verir ki, Azərbaycan yığması dekabr ayında açıqlanan reytinq siyahısı ilə müqayisədə bu dəfə bir pillə geriləmişdir.

Belə ki, baş məşqçi Joze Alesio da Silvanın yetirmələri hazırda 1295 xalla 16-cı pillədə qərarlaşmışlar.

Avropa komandaları arasında isə Azərbaycan 10-cu yerdədir. Komandamız İspaniya (2004), İtaliya (1762), Rusiya (1710), Portuqaliya (1659), Ukrayna (1478), Serbiya (1364), Xorvatiya (1359), Rumıniya (1349) və Belarusdan (1313) geri qalır.