Filippində törədilən partlayışlar nəticəsində 27 nəfər həlak olub
Tokio, 27 yanvar, AZƏRTAC
Yanvarın 27-də Filippində törədilən partlayışlar nəticəsində 27 nəfər həlak olub, onlarla yaralanan var.
AZƏRTAC xəbər verir ki, bu barədə Rappler portalı polisə istinadla məlumat yayıb.
Məlumatda qeyd edilir ki, partlayışlar bazar günü səhər saatlarında Holo adasının Sulu əyalətində baş verib. Partlayışlardan biri kilsənin girişində, digəri daxilində baş verib. Hadisə nəticəsində 27 nəfər həlak olub, 70 nəfər yaralanıb. Həlak olanların iyirmisi mülki vətəndaş, yeddisi əsgər olub.
Hələlik hadisəyə görə məsuliyyəti heç kim üzərinə götürməyib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
