FİNLANDİYADA LAL-KARLAR ÜÇÜN DÜNYADA İLK OPERA TAMAŞAYA QOYULMUŞDUR
AZƏRTAC xəbər verir ki, dünyada ilk dəfə Finlandiyada jestlərin dilində opera tamaşaya qoyulmuşdur. Ölkədə lal-karlar üçün tamaşalar göstərən yeganə teatr olan “Totti”nin aktyorları bəstəkar Fredrik Pasiusun musiqisi əsasında hazırlanmış “Kral Karlın şikara çıxması” tamaşasında iştirak edirlər.
Əsər XVII əsrin əvvəlində əsabələri ilə Alandaya ova gəlmiş gənc İsveç kralının sərgüzəştlərindən bəhs edir. Operanın yeni versiyasında heç bir vacib məqam gözdən qaçırılmamışdır. Lakin, hər ehtimala qarşı, tamaşaçılara fin və İsveç dillərində ariyaların mətni də təqdim olunmuşdur.
