Bakı, 29 dekabr (AZƏRTAC). Fransada hazırlanmasında 15 mindən çox insanın iştirak etdiyi interaktiv mobil rabitə keyfiyyəti xəritəsi istifadəyə verilmişdir. İndi bütün abunəçilər telefon üçün xüsusi əlavəni yükləməklə yaşadıqları regionda hansı mobil rabitə operatorunun məlumatların ötürülmə sürəti baxımından daha sərfəli xidmət təqdim etdiyini öyrənə biləcəklər.

Proqram Fransa Federal İstehlakçılar İttifaqı Assosiasiyası tərəfindən təsis edilmişdir. Son bir neçə ayda bu təşkilat Fransada mobil xidmətlərin keyfiyyətinin qiymətləndirilməsi ilə məşğul olmuşdur.

Hazırda interaktiv xəritəyə Fransanın 16 min şəhərində məlumatların mobil ötürülmə keyfiyyəti haqqında informasiya daxil edilmişdir.