Bakı, 13 avqust (AZƏRTAC). Məşhur arxitektor Jak Rujeri Fransada su üzərində göydələn inşa etməyi planlaşdırır.

AZƏRTAC xarici KİV-lərə istinadən xəbər verir ki, göydələnin adı “SeaOrbiter”dir. Okeandakı stansiyanın eni 10 metr, hündürlüyü isə 51 metr olacaqdır. Binanın əsas hissəsi (31 metr) suyun altında inşa ediləcəkdir. “SeaOrbiter” günəş, külək, su enerjisi vasitəsilə fəaliyyət göstərəcəkdir.

Göydələnin inşasına 2012-ci ilin oktyabrında başlanılacaqdır. Layihənin həyata keçirilməsi üçün 43 milyon dollar vəsait ayrılmışdır.