Bakı, 16 oktyabr (AZƏRTAC). 2014-cü ildə Braziliyada təşkil olunacaq dünya çempionatının seçmə mərhələsi çərçivəsində oktyabrın 15-də futbol üzrə Azərbaycan və Rusiya milli komandaları arasında oyun keçirilmişdir.

AZƏRTAC xəbər verir ki, “Bakcell Arena”da keçirilmiş oyunu serbiyalı baş hakim Milorad Maziç idarə etmişdir.

Oyunun birinci hissəsinin 16-cı dəqiqəsində Rusiya yığmasının futbolçusu Roman Şirokov hesabı açmışdır. Millimizin oyuna ikinci hissədən qatılmış üzvü Vaqif Cavadov matçın 90-cı dəqiqəsində hesabı bərabərləşdirmişdir.

Əlavə təyin edilmiş vaxtda hesab dəyişməmişdir.

Beləliklə, Azərbaycan-Rusiya matçı 1:1 hesabı ilə başa çatmışdır.