FÜZULİDƏ 70 MİN TONDAN ARTIQ TAXIL İSTEHSALI GÖZLƏNİLİR
Füzuli, 20 iyun (AZƏRTAC). Füzuli rayonunda taxıl biçini kampaniyası uğurla davam etdirilir.
Rayon icra hakimiyyətinin aqrar şöbəsindən bildirmişlər ki, torpaq mülkiyyətçiləri cari ilin məhsulu üçün 35 min hekratda taxıl, o cümlədən 26 min 600 hektarda buğda yetişdirmişlər. Aqrotexniki tədbirlərin vaxtında və keyfiyyətlə həyata keçirilməsi sayəsində zəmilərdə məhsul boldur. Biçin kampaniyasına 70-ə yaxın taxılbiçən kombayn, habelə 100-dən artıq küləş presləyən, taxıl təmizləyən, nəqliyyat vasitəsi, qoşqu və digər texnika cəlb edilmişdir. Artıq arpa zəmilərində biçin başa çatmaq üzrədir. Hər hektarın məhsuldarlığı orta hesabla 25 sentnerdir.
Mütəxəssislər bu il rayonda 70 min tondan çox taxıl istehsal olunacağını proqnozlaşdırırlar.
Bölmənin digər xəbərləri
