“GƏNCƏ REGİONAL ENERJİ TƏCHİZATI ” MMC PAYIZ-QIŞ MÖVSÜMÜNƏ CİDDİ HAZIRLAŞIR
“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, payız-qış mövsümündə energetika sisteminin sabitliyinin təmin edilməsi və istehsal olunan enerjinin istehlakçılara yüksək səviyyədə çatdırılması məqsədilə Gəncə, Xanlar, Samux, Goranboy və Daşkəsən paylayıcı elektrik şəbəkələrini (PEŞ) əhatə edən “Gəncə Regional Enerji Təchizatı” (RET) Məhdud Məsuliyyətli Cəmiyyətində (MMC) tədbirlər həyata keçirilir.
Hazırlıq üzrə tərtib edilmiş iş planının icrasına iyundan başlanılmışdır. Hazırda bu istiqamətdə aparılan tədbirlər uğurla davam etdirilir.
Gəncə Şəhər Elektrik Şəbəkəsində 516 dayaq dəyişdirilmiş, 95 kilometrdən artıq 0,4 kilovoltluq elektrik verilişi xətti SİP kabellə əvəzlənmiş, 10/0,4 kilovoltluq 11 transformator məntəqəsi əsaslı təmir edilmişdir.
MMC-nin xidməti ərazisinə daxil olan digər PEŞ-lərdə də eyni profilaktiki tədbirlər həyata keçirilmişdir.
Bundan əlavə, RET-də yanğından mühafizə tədbirləri, o cümlədən istehsalat və yardımçı qurğularda, inzibati binalarda yanğın təhlükəsi yarada bilən əşyaların təmizlənməsi təmin edilmiş, yanğınsöndürmə şkafları komplektləşdirilmiş və digər işlər görülmüşdür.
Bölmənin digər xəbərləri
