Bakı, 1 oktyabr (AZƏRTAC). Azərbaycan Tələbə Gənclər Təşkilatları İttifaqının (ATGTİ) təşkilatçılığı ilə Gəncə şəhərindəki ali və orta ixtisas təhsili müəssisələrinin tələbə gənclər təşkilatlarının sədrlərinin və üzvlərinin iştirakı ilə iclas keçirilmişdir.

AZƏRTAC xəbər verir ki, ATGTİ sədrinin müavinləri Şahsuvar Hacızadə və Vüqar Hümbətovun da iştirak etdikləri iclasda tələbə gənclər təşkilatlarının ötənilki fəaliyyətləri ilə bağlı hesabatları dinlənilmişdir.

Toplantıda, həmçinin yeni tədris ilinin tədbirlər planının hazırlanması, tələbələrin ortaq layihələrə cəlb olunması, paytaxt Bakıda həyata keçirilən layihələrdə region gənclərinin fəal iştirakının təmin edilməsi, habelə regionlarda yerli və beynəlxalq layihələrin həyata keçirilməsi kimi məsələlər ətrafında da müzakirələr aparılmışdır.