GƏNCƏDƏ XALQ ARTİSTİ ZƏROŞ HƏMZƏYEVANIN XATİRƏ GECƏSİ KEÇİRİLMİŞDİR
Gəncə Uşaq Yaradıcılıq Mərkəzində görkəmli səhnə ustası, “Şöhrət” ordenli, respublikanın xalq artisti Zəroş Həmzəyevanın xatirə gecəsi keçirilmişdir.
Gecədə çıxış edənlər 16 yaşından ömrünü səhnəyə bağlamış xalq artistinin Azərbaycan teatrında yaratdığı obrazlardan danışmış, sənətsevərlərin qəlbində daim yaşayacağını bildirmişlər. Qeyd olunmuşdur ki, “Vaqif” dramında Xuraman, “Solğun çiçəklər” əsərində Sara, “Əsli və Kərəm”də Əsli və s. rolları ilə tamaşaçıların rəğbətini qazanan görkəmli səhnə ustası respublikamızda görkəmli Azərbaycan dramaturqu Cəfər Cabbarlının bütün əsərlərindəki qadın obrazını oynayan yeganə aktrisadır.
Gecədə xalq artistinin həyat və yaradıcılığından bəhs edən sənədli film nümayiş etdirilmiş və uşaq yaradıcılıq mərkəzi üzvlərinin ifasında səhnəciklər göstərilmişdir.
Bölmənin digər xəbərləri
