Gəncədəki Abbas Səhhət adına xəstəxana tezliklə istifadəyə veriləcək
Gəncə, 2 oktyabr, AZƏRTAC
Gəncədəki ən böyük səhiyyə ocaqlarından olan Abbas Səhhət adına 1 saylı xəstəxana əsaslı təmirdən sonra yaxın günlərdə əhalinin istifadəsinə veriləcək.
AZƏRTAC xəbər verir ki, 2013-cü ildən təmirə dayanan xəstəxana 5 korpusla və ən müasir avadanlıqlarla fəaliyyətə başlayacaq. Tibb ocağının əsas korpusu beşmərtəbəlidir. Xəstəxanada diaqnostika, ginekologiya, cərrahiyyə, terapiya və reanimasiya, nevroloji şöbələr fəaliyyət göstərəcək.
Layihəyə uyğun olaraq xəstəxana üçün qazanxana, yeməkxana və digər yardımçı tikililər də inşa edilib. Hazırda xəstəxanada Səhiyyə Nazirliyinin İnnovasiya və Təchizat Mərkəzi tərəfindən ən müasir tibb avadanlıqlarının gətirilərək quraşdırılması işləri aparılır.
Bölmənin digər xəbərləri
