Gürcü nazir: Polis əməkdaşları məcburiyyət qarşısında qalaraq qanuni şəkildə güc tətbiq ediblər
Tbilisi, 28 iyun, AZƏRTAC
Gürcüstanın Daxili İşlər naziri Giorgi Qaxaria iyunun 20-dən 21-nə keçən gecə Tbilisidə keçirilən aksiya və polisin bu aksiyanı güc tətbiq etməklə dağıtması məsələsinə münasibət bildirib.
AZƏRTAC xəbər verir ki, iyunun 20-də Tbilisidə baş verənlərə görə məsuliyyət daşıdığını deyən nazir qeyd edib: “Tbilisidə iyunun 20-də baş verənlərə görə - başlanğıcdan sona qədər mənim məsuliyyətim olub və mən bundan qaçmıram”.
Canlı yayımda jurnalistlərin suallarını cavablandıran nazir bu gün də cəmiyyətdə baş verənlərə görə məsuliyyət daşıdığını deyib: “Polis əməkdaşları dövlət institutunu, ictimai asayişi qoruyurdular. Onlar məcburiyyət qarşısında qalaraq qanuni şəkildə güc tətbiq ediblər”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
