İQTİSADİYYAT
Gürcüstan 11 ayda 1,5 milyard kubmetr Azərbaycan təbii qazı alıb
Tbilisi, 25 dekabr, AZƏRTAC
Gürcüstan cari ilin yanvar-noyabr aylarında Azərbaycandan 1 milyard 513 milyon kubmetr təbii qaz idxal edib. Bu göstərici ötən ilin eyni dövrü ilə müqayisədə 4,9 faiz çoxdur.
AZƏRTAC xəbər verir ki, bu barədə Gürcüstanın Milli Statistika Xidməti məlumat yayıb. Bildirilir ki, hesabat dövründə Gürcüstanın idxal etdiyi təbii qazın dəyəri 250,9 milyon dollar təşkil edib. Bu da keçən ilin müvafiq aylarına görə 4,65 faiz çoxdur.
Cari ilin sonunadək təbii qaz idxalının həcminin ötən illə müqayisədə bir qədər də artacağı gözlənilir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
