Gürcüstan hökuməti İkinci Dünya müharibəsi veteranlarına 2 min lari birdəfəlik yardım verəcək
Tbilisi 7 may, AZƏRTAC
Gürcüstan hökuməti faşizm üzərində qələbənin 80-ci ildönümü münasibətilə İkinci Dünya müharibəsi veteranlarına birdəfəlik yardım olaraq 2000 lari (təxminən 750 ABŞ dolları) ayıracaq.
AZƏRTAC xəbər verir ki, cəbhədə həlak olan müharibə iştirakçılarının ailələrinə isə birdəfəlik, 1000 lari məbləğində yardım veriləcək.
Gürcüstanın Veteranlarla İş üzrə Dövlət Xidmətinin məlumatına görə, Gürcüstan cəbhəyə 700 min əsgər verib, onlardan yalnız 300mini vətənə qayıdıb. On minlərlə gürcü hökumət mükafatlarına layiq görülüb, onlardan 167-si Sovet İttifaqı Qəhrəmanı olub. Onların arasında ən məşhuru 1945-ci ilin mayında serjant Mixail Yeqorovla birlikdə Reyxstaq üzərində Qələbə bayrağını qaldıran kiçik serjant Meliton Kantariyadır (1921-1993).
Hazırda Gürcüstanda 57 İkinci Dünya müharibəsi veteranı sağdı.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
