Gürcüstan Prezidenti: Regionda sülh və sabitlik hər üç ölkənin inkişafı üçün yeni imkanlar açır
Tbilisi, 23 may, AZƏRTAC
Cənubi Qafqaz regionunda sülh və sabitlik həlledici əhəmiyyət daşıyır və bu, hər üç ölkənin inkişafı üçün yeni imkanlar açır.
AZƏRTAC xəbər verir ki, bu sözləri Gürcüstan Prezidenti Mixeil Kavelaşvili "İmedi" televiziya kanalına müsahibəsində söyləyib.
Prezident deyib ki, rəsmi Tbilisi Azərbaycan ilə Ermənistan arasında münasibətlərin nizama salınmasında maraqlıdır və bu istiqamətdə səylərini davam etdirəcək.
"Bir müddət əvvəl regionumuzda Ermənistan və Azərbaycan arasında gərginlik baş verdi. Biz bu məsələnin sülh yolu ilə nizama salınmasında maraqlı tərəflərdən biriyik. Hər iki ölkənin hökumətlərinə bu istiqamətdə nümayiş etdirdikləri səylərə görə təşəkkürümü bildirirəm", - deyə Kavelaşvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
