Gürcüstanda hərbçiləri aparan avtobus qəzaya uğrayıb
Tbilisi, 3 iyul, AZƏRTAC
Gürcüstanda hərbçiləri daşıyan mikroavtobus qəzaya uğrayıb.
AZƏRTAC yerli KİV-lərə istinadla xəbər verir ki, qəza Quriya regionunun Şekveteli kurort qəsəbəsinin yaxınlığında baş verib.
Nəticədə 12 nəfər yaralanıb. Yaralılardan ikisinin vəziyyəti ağırdır.
Bildirilir ki, hərbçilər Batumidən Senakidəki hərbi bazaya gedirmişlər.
Yaralılar təcili yardım maşınları ilə Kobuletidəki xəstəxanalara çatdırılıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
