GÜRCÜSTANDA KEÇİRİLMİŞ PARLAMENT SEÇKİLƏRİNİN NƏTİCƏLƏRİ MAYIN 31-DƏ ELAN EDİLƏCƏKDİR
AZƏRTAC-ın xüsusi müxbiri xəbər verir ki, Gürcüstanda mayın 21-də keçirilmiş parlament seçkilərinin nəticələri mayın 31-də elan ediləcəkdir.
Gürcüstan Mərkəzi Seçki Komissiyası 76 dairə seçki komissiyasından daxil olan aktlar əsasında son nəticələri müəyyənləşdirəcəkdir.
Seçki günü yol verilən pozuntularla bağlı məhkəmələrə 40 müraciət daxil olmuşdu. Tbilisi şəhər məhkəməsinin kollegiya sədri İrakli Adeişvili bildirmişdir ki, həmin müraciətlərin 33-nə baxılmış, 10 ərizəyə müsbət cavab verilmişdir. Məhkəmə, həmçinin 11 məntəqədə seçkilərin nətivələrinin ləğv olunmasına dair qərar qəbul etmişdir.
Bölmənin digər xəbərləri
