Gürcüstanda mədən işçiləri aclıq aksiyasına başlayıblar
Tbilisi, 17 may, AZƏRTAC
Gürcüstanın Çiatura şəhərində əməkhaqlarının bir neçə dəfə artırılmasını, iş şəraitinin yaxşılaşdırılmasını, mədənçilərin təhlükəsizliyinin təmin olunmasını tələb edən mədən işçiləri mayın 17-də aclıq aksiyasına başlayıblar.
AZƏRTAC xəbər verir ki, mədən işçiləri "Gürcüstan manqanı" şirkətinin nümayəndələri ilə görüşərək tələbələrini bildiriblər. Lakin şirkət rəhbərliyi onların istəklərini nəzərə almayıb.
Bundan sonra 15 nəfər mədən işçisi tələbləri yerinə yetirilənədək aclıq aksiyasını davam etdirəcəklərini bildiriblər.
Sabiq Baş nazir, «Gürcü arzusu-demokratik Gürcüstan» partiyası siyasi katibi İrakli Qaribaşvili və Gürcüstan Həmkarlar İttifaqları Birliyi mədən sənayesində çalışan işçilərin hüquqlarının müdafiəsinə qalxıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
